美食新聞報道｜黃嘉雯波波林映暉 分享母親節慶祝好去處 (16:02)

周日（11日）是母親節，黃嘉雯、倪嘉雯、伍倩彤、黃婧靈（波波）及林映暉5位TVB Plus節目《美食新聞報道》主持，憑藉豐富試食經驗為觀眾分享帶媽媽吃什麼菜式的心得。黃嘉雯表示今年母親節與愛犬Doxy有工作在身︰「我係狗仔母親，大會又好好咁邀請埋我媽咪，一齊喺愉景灣做嘢同食飯，三代同堂。今次係第一次帶住媽咪做嘢，又可以慶祝，寓工作於娛樂。我考慮緊預訂愉景灣嘅酒店食自助餐，全日幫母親慶祝。」